Ikurrina ateratzen saiatu den gazte bat atxilotu dute

Udaltzainak oldartu egin dira eta gazte batzuk zauritu dituzte. Imanol Salinas da atzeman dutena.

Berria.info 2010-07-06 - 18:07:53

Amnistiaren Aldeko Mugimenduak (AAM) jakinarazi du udaltzainek Udaletxe plazan txupinazo garaian ikurrina ateratzen saiatu den gazte bat atzeman evin dutela, baina ez plazan bertan, osasun zentro batean baizik. Izan ere, udaltzainak oldartu egin dira plazan ikurrina atera nahi zutenen aurka eta asko zauritu egin ditu, AAMren arabera. "Udaltzainek oso egoera arriskutsua sortu dute. Zauritu ugari izan da udaltzain uniformatu eta kalez jantzitako polizien parte-hartzeagatik. Borrekin kolpatu dituzte gazteak, eta batzuek zauri larriak pairatu dituzte. Luzatzen diren borra ilegalak erabili dituzte".

Atxilotutakoa Imanol Salinas da.