Amaren zaintza bere ardurapean duela argudiatuta, Rafa Diez LABeko idazkari nagusi ohia aske utzi zuen baldintzapean astelehenean Baltasar Garzon epaileak. Baina Espainiako Auzitegi Nazionaleko Fiskaltzak ez du bat egin epailearen erabakiarekin eta aske uztearen aurkako helegitea aurkeztu du. Vicente Gonzalez Mota fiskalak argudiatu duenez, preso ohia kaleratzeko argudioak «artifizialki eraiki dira beharrezkoa den behin-behineko neurria saihesteko». Hortaz, Diez berriz espetxeratzeko eskatu du. Aske uztea erabaki zuen Garzon epaileak berak erabaki behar du helegiteari buruz.
Mendekotasun Legea oinarri hartuta eskatu zuen Diezek kaleratzea. Amaren zaintza bere esku dagoela azaldu, eta «arrazoi humanitarioengatik» aske uzteko galdegin zuen, ama ez dela bere burua zaintzeko gai argudiatuta. Lasarteko Udalaren egiaztagiria aurkeztu zuen ama bere ardurapean dagoela erakusteko.
No hay comentarios:
Publicar un comentario