Irailetik, ETAk su-etena iragarri zuenetik, 35 lagun atzeman dituzte; horietatik 32, Ekin, Askapena eta Segin lan politikoa egiteagatik
40 bat etxe, elkarte, gaztetxe eta 'herriko taberna' miatu dituzte Espainiako poliziek
Aro politiko berrirako ateak irekitzen ari direnean, konponbideari begira jartzeko asmoz ETAk su-etena iragarria duenean eta ezker abertzaleak ere apustu nagusitzat gatazka gainditzea hartua duela adierazia duenean, ezker abertzalearen aurka jarraituko duela esanaz erantzun du Espainiako Gobernuak. Alfredo Perez Rubalcaba Espainiako Gobernuko presidenteorde eta Barne ministroak zein Rodolfo Ares Eusko Jaurlaritzako Herrizaingo sailburuak argi esan zuten atzo, Espainiako Poliziak Segi gazte erakundearen aurkako operazioa goraipatzeko egindako adierazpenetan: «Argi geratu da Gobernuak terrorismoaren aurkako borroka ez duela pitin bat ere aldatu», esan zuen Rubalcabak. Aresen hitzetan, «talde terroristaren eta haren ingurukoen kontrako borrokan poliziak eta erakundeak ez daudela tregoan eta ez direla egongo erakusten duen milagarren froga dira azken atxiloketak».
Gehiago irakurtzeko...
No hay comentarios:
Publicar un comentario