Erretreta eta danbor hotsen doinuekin hasi ziren atzo San Prudentzio jaiak, eta barraskilo eta perretxiko usainarekin ari dira jarraitzen gaur. Arabarren zaindariaren egunak ez du egitarau berezirik behar, jendeak ondo barneratuta baitu festa egun hau. Egitarauak egitarau, barraskiloak eta perretxikoak dira festako izen nagusiak eta, eguzkiak lagunduta Armentiako zelaietan giro ederra dago gaur.
1483an du jatorria arabarren festak eta, ordutik hona, urtero Armentiako zelaiak jendez betetzen dira santuari gorazarre egiteko.
Bezperako erretreta eta danbor hotsak atzean utzita, goizean arabarrak Armentiako zelaietara joan dira erromeriaz gozatzera. Hango prozesio eta elizkizunen ondoren, herri kirolaz eta dantza saioez gozatzeko aukera izan dute. Gasteizen umeen danborrada ere izan da.
No hay comentarios:
Publicar un comentario